என்னோடு கழிந்த, கழிகின்ற நாட்கள்

என்னோடு வந்த நாட்கள்
என்னைக்கடந்து விட்டது
காணவே முடியாத தூரத்தில்

அந்த வழிப்பாதையில் - நான்
பெற்றுக்கொண்ட அனுபவம்
இன்று வரை மனதோடு வாழ்கிறது

காலம் தந்த அருமையான நினைவுகள்
நெஞசை விட்டும் மாறுமுன்னே
அழகான அந்த நாட்கள் - என்
மனதை இன்னும் உரசுதே....

நான் கடந்து வந்த பாதையில்
அகலாத சில நாட்கள்
இன்னும் மனதோடு நிற்கிறது

கனவுகளோடும் ஆசைகளோடும்
உல்லாசமாய்ப் பறந்த நாட்கள்
பலனுகள் ஏதுமின்றியே கழிந்தன

வறுமையின் பிடியில் சிக்கி
வாழ வழியின்றி
வதைந்து போன சில நாட்கள்

கையில் உரமின்றி
ஊதியம் தேடியலைந்த நாட்கள்
உள்ளத்தில் உறைந்து கிடக்கிறது

காலம் தந்த உத்வேகத்தில்
கடல் கடந்து வாழ்கிறேன்
இன்றைய பொழுதிலும் கூட

உறவுகளுக்காய் உழைத்து
சுமத்தப்பட்ட சுமைகள்
சுகமாக இறக்கப்பட்டு சுகன்கண்ட நாட்கள்

இங்கும் காலம் மாறவில்லை
சுழற்சி வாழ்கை
சுழன்று கொண்டேயிருக்கிறது

அலாரத்தின் சத்தம்கேட்டு
எரிச்சலோடு கழிந்து கொண்டிருக்கிறது
எண்ணிக்கையில்லாத இந்த நாட்கள்

ஒரு விடியலை நோக்கிய
ஒளிமயமான காலத்தை - என்
கால்கள் தேடி நடக்கின்றன
காலம் வழி திறந்தால் - என்
கால்கள் நுழைந்து கொள்ளும் ஒரு பொழுதில்

இடையே சில நாட்களுக்கான விடுமுறையில்
கடலலைபோன்ற என்னங்களோடு
பறந்து சென்றேன் - என்
பாச நண்பர்களையும் உறவுககையும் காண

அங்கே எல்லாமே என்னைவிட்டும்
ஒரு தூரத்து முற்றுப்புள்ளியானதை
என் மனம் தாங்க மறுத்த காலம்
இன்னும் உள்ளத்தடியில் வேரூண்டிருக்கிறது

என்னைக்கடந்து சென்ற காலம்
என்னை மீட்கவருமா என்ற
ஏக்கங்களோடு நாட்களை நான்
எண்ணிக்கொண்டே இருப்பேன்...

அன்புடன் பாயிஸ்

எம் வாழ்கை

முழுத் தூக்கம்
முழுமை பெற்று
பல வருடங்களாகின்றன
கடமையழைக்க
களைந்த தூக்கம்

கனவுகள் பல இருந்தும் - அதை
காற்றோடு கரைத்து விட்டு
காலத்தின் முகவரியை
தேடியலைகிறோம்
இப்பாலைவனத்தில்

வந்தாரை வாழவைக்கும்
வல்லவன் கிருபையால்-இங்கு
எல்லாமே இருந்தும்
ஏதும் இல்லாமலேயே
வாழ்கிறோம் நாங்கள்

வாரத்தில் ஒரு நாள்
சிந்திய கண்ணீரை
சொந்த சுமையாக்கி
துன்பம் மறைத்து
உரையாடுவோம் உறவுகளோடு

எம் இதயம்
அழுவது யாருக்கு கேட்கும்

வேண்டாத வாழ்கையை
விலை கொடுத்து
வேண்டித்தான் வந்திருக்கிறோம்
விதி செய்த விளையாட்டிதுவோ...?

ஆறு தசாப்த வாழ்கையை
அரைகுறையாய் வாழ்ந்தென்ன பயன்

சொந்த நாட்டில்
சொந்தங்களோடு
பழு சுமந்து வாழ்தாலும்
பல கோடி இன்பம் அதில் உண்டடா

இனியும் வேண்டாமடா
இந்த இம்சை வாழ்கை
இனிதே தொடரட்டும்
எம் தேசத்து வாழ்கை

ஆக்கியோன்
சின்னப்பாலமுனை பாயிஸ்

பதுங்கும் வரையில்தான் பூனை

அரக்கன் ஓருவன்
அரசனானான் அவனின்
ஆளுகைக்குள் ஆண்டிகளானோம்
அப்பாவிகளான நாங்கள்


அடக்குமுறையாணவத்தால்
வஞ்சக நெஞ்சமிட்டு எங்களை
வதைக்கும் இந்த சீடர்களின்
மனிதமேயற்ற அக்கிரமச்செயல்
அழியும் நாள் தொலைவிலில்லை

இங்கே மனிதர்கள் விறகுகளாக
வெந்து வெம்பிக்கொண்டிருக்கின்றனர்
அணுவளவும் அக்கறையில்லாத
அயோக்கியவான்கள் கைதட்டி
உள்ளம் குளிர்கின்றனர்

நாங்கள் குறைவானவர்கள்தான்
குணம் குன்றாத நல்லவர்கள்
நீங்களோ அதிகபட்சம்தான்
குணமேயில்லாத சூனியக்காரர்கள்

ஓலைக்குடிசை தான் நாங்கள்
மாடமாளிகை நீங்கள்
போட்டிபோட நாங்கள் நாதியற்றவர்கள்தான்
போதும் எங்களை விட்டுவிடுங்கள்

எங்களை நீங்கள் எரித்தாலும்
நாங்கள் கருகிடுவதாய் இல்லை
போதும் எங்களை விட்டுவிடுங்கள்

எங்கள் பொறுமைகள்
பூட்டப்பட்டவரையிலும்
பாக்கியவான்களே நீங்கள்

அநியாயம் அத்துமீறும் போது
அங்கவீனர்களும்
ஆவசமாய் எழுவர்

அப்போது கைதட்டி
நாங்களும் உள்ளம் குளிர்வோம்
சிதைந்து போன உங்கள்
சடலங்களைப்பார்த்து

இவைகள் வேண்டாமென்றால்
எங்களை விட்டுவிடுங்கள்
நாங்கள் விலகியே இருக்கிறோம்

அன்புடன் பாயிஸ்

முழுமதியாய் முகம்மது நபி (ஸல்)

தாய் தந்தையிழந்து
தாத்தாவின் வளர்ப்பில்
மக்கத்துபுழுதியில்
மாமனிதம்மொன்று புலர்ந்தது
இற்றைக்கு 1400 வருடங்களுக்கு முன்

மந்தைகள் மேய்த்தாலும்
“மதி” தெழிந்த தண்ணீரைவிட
தெளிவான போக்கிலிருந்தது

உண்மையின் உறைவிடம்
முன்னாங்கே வயதேயுடைய
முஹம்மதிடம்தானிருக்கிறது என்று
எதிரிகளாலேயே
முத்திரையிடப்பட்ட முகவரியாளர்

சிலை வணக்கத்திலையே
சிந்தனையை இட்டு சிலைக்கு
சிரந்தாழ்ந்த மனிதர்களுக்கு மத்தியில்
உண்மையை உரைக்க
உலகஏகனால் அங்கீகாரம் பெற்ற
வழிகாட்டியானார் எம்பெருமானார்

உண்மையை உரைத்த போது
சோதனைகளும் வேதனைகளும்
உதையடிகளும்தான் மிஞ்சியிருந்தன
மனம்சலிக்கவுமில்லை
உடல் சோர்ந்து போகவுமில்லை
சாதனைகளே பிரதிபலிப்பானது


எதிரிகளின் படைப்பலமும், ஆயுதப்பலமும்
அண்னலாரின்
நெஞ்சுரமிக்க மனபலத்திற்க்கு முன்
நொறுங்கிப்போயின

தியாகங்கள் வெண்று
உண்மையின் சாம்ராஜ்ஜியம்
உதயம் கண்டு அதன் ஒலி
உலகமெங்கும் பரவியது

இன்று அதன் ஒலி
விண்வெளியிலும் தெரிகிறது
உண்மைக்கு அழிவில்லையென்பதற்கு
உகந்த உதாரணம் இதுவே

பொய்மை அழிக்கப்படுவது நியதிதான்
உண்மை உதயமானதிலிருந்து
இன்னும் விருட்சமாகிக்கொண்டே செல்கிறது
1400 வருடங்களையும் தாண்டி

தியாகத்தால் சிந்திய இரத்தங்கள்
காய்து போயிருக்கலாம்
நீங்கள் வளர்த்த சகோதரத்துவம்
இன்னும் ஈரமாகவேயிருக்கிறது

சாந்தி, சகோதரத்துவத்தை
சாமத்தியமாக சாதித்து எம்
சந்ததிக்கு சமர்ப்பணம் செய்த சாதனை இன்னும்
சாண்று பயிண்றுகொண்டேயிருக்கிறது

சத்தியம் அசத்தியம்
எதுவென்று நாங்கள் அறிய
நீங்கள் இழந்து பெற்றுத்தந்தவை இன்னும்
சத்தியமாகவே வாழ்ந்து கொண்டிருக்கிறது
சத்தியம் என்றும் அழிவதில்லை.

அன்புடன் பாயிஸ்

காலம் கடந்த காதல்

மொத்த அழகையும்
ஒற்றையழாகாய்
பிரம்மன் செய்த கலையே

பித்துப்பிடித்து
பின்னே அலைகிறேன்
இதோ
என் காதல் காவியத்தின்
சிறு ஓலைத் துண்டு

அலட்சியமாய் வீசிச்செல்லாதே
அளவு கடந்த அன்பு
அதில் தங்கி உள்ளது

எனக்காய் அற்ப நேரமெடு
உனக்காய் விழுந்துகொண்டிருக்கும்
என் உயிரின் நிலையை
இந்த ஓலைகள் உணர்த்தும்

உந்தன் நினைவுகளே
என் ஜீவனின் உயிரோட்டமாய்
ஓடிக்கொண்டிருக்கிறது

அந்த நினைவுகளே இன்று
எந்தன் ஜீவராகமாய்
ஒலித்துக் கொண்டிருக்கிறது

என் ராகத்தை வெருக்காதே
அதை விரும்பிச் செவிமடு
அதில் என்னைக்காண்பாய்

இப்போது நீ என்னை
வெறுத்தாலும்
தேடிவரும் காலம்
வெகு தொலைவிலில்லை

அப்போது
என் மடை தாண்டிய கண்ணீர்
தரை சேரும் முன்னே
உன் கைகொண்டு
தாங்கிடுவாய் பெண்ணே

காலம் கடந்த கருணை
பயனற்றுப் போயிற்று

விதி அரங்கேற்றியதை அறியாமல்
நீ தேடிவந்த காதலை
நானின்று தொலைத்து நிற்கிறேன்

காதல் தந்த பரிசியது
கலங்கிப்போன இதயமென்று
நொந்து போனது உள்ளமென்று
மங்கிப்போனது மதியென்று
தன்னையே இழந்து நிற்கிறேன்